Strophe (4. Klasse)
Die gröschti Gfahr repräsentiert
wenn im Mathiheft Tinte verschmiert
Sicherheit und Harmonie
Heiterkeit und kei Phobie
2. Strophe (1. Klasse)
Ganz egal ob Chli oder Gross
alli ränned i de zähni Pause los
uf de farbefrohi Pauseplatz
chum mir sueched zämme nachme Schatz
3. Strophe (Kindergarten)
Räbeliechtli, Advents-Singe
Projektwuche tüänd stets glinge
Leelikon und Wiehnachts-Märt
Eusi Aläss, sind Gold wert
4. Strophe (3. Klasse)
Spiele Minecraft, vor dä matte Schiebe
Mit em Anton und de Ela lerni schriebe
Bechum dihei leider kei Fortnite
bi defür für de Unterricht bereit
Refrain (2x) (alle)
LEE LEE LEE-BMATINGE - Lerne, Spass und Freud am Singe
LEE LEE LEE-THARGIE - gaht während dä Schuel-Stund verbii
LEE LEE LEE-GENDÄR - sLerne fallt eus da nöd schwer
LEE LEE LEE-ACHER - isch die beschti Schuel ever
5. Strophe (2. Klasse)
D Lehrpersone sind schampaar nett
Drum gangi lieber i d’Schuel als Znacht is Bett
Au wenn emal alli bizli nervig sind
Zämmehalt wird gross gschriebe bi de Chind
6. Strophe (5. Klasse)
Stopfe voll min Schüelerthek
Mit Büächer us de Bibliothek
Chan nöd ufhöre mitem Läse
Wüssensdurscht liit in eusem Wäse
7. Strophe (6. Klasse)
Spiele im Musigunterricht
jedes Lied verzellt e Gschicht
Lerne fallt nöd schwer is Gwicht
Mir sind all deren Asicht
(5. / 6. Klasse)
Like a Boss, d’ Schuel isch famos
Zwiefellos fühled mir eus gross
sind furios und leget los
bruched gar kein Denkastoss
Weggli, Rüäbli und Tomate
all Meitli, Büäbli sind guet grate
ä Kiwi, Öpfel und jetzt chunts
zum Znüni Schoggi isch was Gsunds
Sache mache s’krache lah
Plätzli bache, früäh ufstah
Lache, Spiele, Ursach verstah
Mir sind all für änand da
Krasse Spass mir gänd Vollgas
alles passt mir lernet was
mir schlönd de Bode usem Fass
so dass die Langiwil verblasst
Refrain (2x) (alle)
LEE LEE LEE-BMATINGE - Lerne, Spass und Freud am Singe
LEE LEE LEE-THARGIE - gaht während dä Schuel-Stund verbii
LEE LEE LEE-GENDÄR - sLerne fallt eus da nöd schwer
LEE LEE LEE-ACHER - isch die beschti Schuel ever